Stamboom van Hagenbeek

Vader: Dirc van der Lane
Moeder: Maria van Heemskerck

• Geboren: ± 1260
• Gedoopt: [[Bronnen: Codex diplomaticus Neerlandicus: verzameling van oorkonden, betrekkelijk de vaderlandsche geschiedenis, Nederlands Historisch genootschap, Kemink en Zoon, p. 12-13.]]
• Overleden: ± 1320 (ongeveer 60 jaar oud)

tussen 1299 en 1309 :
Arbitrale uitspraak van den bisshop van Utrecht over den zoen van den moord aan Wolfard van Borselen gepleegd. 11 mei 1309
Wj Guy bi der ghenaden Gods bisscop van Vtrecht, Willem graue vau Henegouwen van Hollant van Zelant ende here van Vrieslant, ende Gherard here van Voerne ende burghgraue van Zelant, maken cont, dat edele luden, heren Wolfaert ende heren Florens ridders, Vranken ende Clais knapen, heren Wolfaers kindren van Borsselen voer hem, haren mi;ghen, haren vrieude ende haer helpers an deenelzijde, heren Philips erfnamen van Duuenvoerde, heren Philip van Zanthorst, heren Wouter van Harlem , heren Symon van Benthem, heren Philip Vternesse, heren Ghisekins erfnamen van Ammers, heren Vriesen erfnamen van der Mye, Diedries erfuamen van Zanthorst, Florens eude Wouters erfnamen van Duuenvoerde, Jan van Zassenem, Willem van der Lane ende Gherard Euer voer hem, horen maghen, horen vrienden, die ons met hem guclocft hebben of ander zijde, van alre mesdaet, die gheschiede an heren Wolfart, alse van sirc doet ende van alre mesdaet ende broke, die daer na gheschiede ter Vere jnt jaer ons Heren M°.CCC*. ende tue jn die weken voer Sinte Cruus daghe jn gaenden Meye, op ons bleuen zijn met horen vryen wille, zo wat dat wj daer of zegghen na onsen goed dencken, de partien gheroupen weder dat si commen jof en doen, dat si dat houden zullen; ende ware dat zake dat jn onsen zegghen enighe twifel ware, dat nu roerde jof hier na roeren moehte, dat wi dat verclaersen sullen ende moghen na ons selues verstane, zonder enich weder zegghen van den partien voernomt; ende hebben beloft onzen zegghen ende onze verclaersen , dat wi zegghen jof hier na verclaersen zullen , dat vast ende ghestade te hondene voer hem, haren maghen, horen vrienden ende hoer helpers. Voert hebben si hem verbonden, ware dat zake dat onzen zegghen ende onse verclaersen jn enich point te broken wordde bi hem, iof bi iement van haren weghen, zo zoude die ghenen die verbreken zouden, verbueren lijf ende goed, ende dat zoude horen tote onser kennesse na onsen goed dincken, na onsen wille ende na ons selue proeue. Ende,wj Guy, "Willem ende Gherard vorseit, de partien voernomt gheroupen des zonnedaghes voir Pinxtren, jnt jaer ons Heren M°.CCC°. ende neghene, die partie van Hollant vorseit tieghen woerde te Poeldunen buten 's Grauenzande, ende die partie van heren Wolfarts kindren gheroupen, ghebeit ende niet en quame tieghen woerde, de warede wel onder vonden van den stucken vorseit, bi rade wiser luden, j n de name s Vaders, Soens ende Selichs Gheest, zegghen wi onsen zegghen iu der maniere, dat hier na volghet: Jn den eersten zegghen wi, dat heren Philips erfnamen van Duueavoerde, heren Philip van Zanthorst, heren Wouter van Harlem, heren Symoen van Benthem, heren Philips Vternesse, heren Ghisekins erfnamen van Ammers, heren Vriesen erfnamen van der Mye, Diederix erfnamen vaii Zanthorst, Florens ende Wouters erfnamen van Duuenvoerde, Jan van Zassenem, Willem van der Lane ende Gherard Euer, voer hem ende voer den ghenen dies met hem op ons bleuen zijn van heren Wolfars doet, gheuen zullen ende ghelden dusent pont zuarte tournoise, eenen groete tournoise gherekent voer zesthien penninghe. Voert zegghen wi, want die poerten ende die ghemeente van Hollant, alse wi ter wareit onder vonden hebben, zonder voerraet ende zonder weten waren van heren Wolfarts doet vorseit ende omme de liefste des sgrauen haers heren daer comen waren onnoeseleke, zo zegghen wisc quite van sheren Wolfart doet ende zegghen, dat heren Wolfarts kindren noch niement van haren maghen noch van haren helpers veeten zullen den poerten noch der ghemeente veerseit om sheren Wolfarts doet. Voert om dat wi vonden hebben ter warede, dat here Florens van Bouchorst die persoenre van Delf, Hughe van Merlant ende Ogier Vten Hoeke, die op ons bleuen zijn, onsculdich zijn van sheren Wolfarts doet, zegghen wise quite der af. Voert van al den andren, die sheren Wolfarts kindren bethyen jof bethyen mochten van haers vaders doet, daer af en zegghen wi niet, want sijs op ons niet bleuen en zijn. Voert zegghen wj, dat heren Wolfarts kindren vorseit heren Wolfars broeders ende hoer helpers gheuen zullen ende ghelden drye dusent pont tournoise, den groeten tornoise gherekent voer zestien penninghe , voer die vorseide misdaét, die gheschiede ter Vore, ende dese vorseide drye dusent pont sal die graue van Henegouwen ende van Hollant ontfanghen jof doen ontfanghen bi zinen bode, ende voert gheuen ende deelen onder der goenre maghen, die daer doet bleuen, na ziins zelfs goct dincken ende oerbaer zonder iemens weder zegghen, ende dat ghelt vorseit of beeden zijden zalmen betalen tote Zierixe, teerste dardendeel te midden winter naest commende, tander dardendeel des zonnedaghes na half vasten daer na commende ende tardde dardendeel te Sinte Jans daghe midden zomer daer naest volghende. Ende hier bi zegghen wj eenc alanghe zoenc tuschen den partien vorseit. Endo ware dat zake, dat iement onzen zegghen brake jn al of in enighen pointe vorseit, zo zouden die ghenen diet verbrake, verbueren lijf ende goed zonder cniclt verdrach, ende dit zal horen tonser kenninghe ende tote ons selues proeue na onsen goed dincken, vte gheseit al recht dat hem helpt iof helpen mochte, jn wat manieren dat ware. Eude wj Willaem, graue van Henegouwen ende van Hollant vorseit zullen heren Wolfarts kindren voernomt helpen, dat si hare helpers zullen winnen die sculdich zijn met hem te gheldene ende te beterne die voersede misdaet, na den rechten van den lande. Ende wie zullen dien voerseiden van Hollant hare zoene vte doen reecken van heren Wolfarts kindren ende van horen helpers. Ende dit zegghen hebben wj gheseit, behouden onser volre macht, alle pointen vorseit dat daer of roeren mochte te verclaersen ende te bediedene na ons selues verstannesse. Jn orconden van al desen stucken vorseit, hebben wi, Guy, Willaem ende Gherard vorseit desen brief bezeglet met onsen zeghel. Gheseit ende ghedaen te Poeldunen, des zonnedaghes voer Pinxtren, int jaer ons Heren MCCC ende neghene.

Mogelijk is dit dezelfde als Willem van der Lane uit West-Friesland die betrokken was bij de dood van Wolphaart (Wolfert I) van Borselen in 1299. Van Borselen hield na de moord op graaf Floris V van Holland in 1296 toezicht op zijn gebied ten behoeve van de minderjarige graaf Jan I van Holland. In een zoenuitspraak van 1309 werd Willem van der Lane als een van de daders genoemd. Jan II van Avesnes, de nieuwe graaf van Holland nadat zijn neef Jan I jong overleed, duidde hem dit klaarblijkelijk niet euvel, want Willem van der Lane werd al in september 1299 door hem benoemd als beheerder van de dwangburchten Torenburg, Middelburg en Nieuwburg in West-Friesland . Willem van der Lane op zijn beurt beloofde om zo nodig op last van de graaf de burchten ter beschikking te stellen.