Stamboom van Hagenbeek

Vader: Jelis van Riemsdijck
Moeder: Marien Willemsdr van Isendoorn

• Geboren: in 1484 [[Gelders Archief, Heerlijkheid IJzendoorn (0446), charter nr 10]] te Dreumel¹
• Gedoopt: [[https://gw.geneanet.org/joelhans?lang=nl&pz=heiltje&nz=van+der+linden&p=mechtelt+mechteld+mathilde&n=van+riemsdijck+van+rijemsdijck]]

vrouw van lsendoorn en Dreumel , daarmede beleend 1535 (‘Geld. Leenreg.) ; 2a. 1542 Hermanna van der Hovelich , weduwe van de Poll, waarbij als huwelijksvrienden waren, van zijne zijde Walraven Pieck’tot Wolfswaard, Adriaan van Balveren, Willem Hinckaert en Wouter
heer van Blokland, en van hare zijde keinier van Aeswyn heer van Brakel, Ggsbert van de Poll, Frederik Mom en Joost van Bemmel.


In den naem ons heeren Jhesu Christi Amen In voirwerden ende manijren hiernae beschreuen soe heben wij Segher van Balueren heer tot IJsendoern ende joffer Mechtelt van Rijemsdijck, echte huijsfrouwe Zeghers voirs. den selue Segher mijnen echten man gekoren tot mijnen momber doen kondt allen luyden ende bekennen aeuermitz desen aepenen brieue voir ons ende onsen eruen ende naecomelyngen dat wij in enen rechten vasten stedigen ende erff testament puyrlick ende wter devotien voir ons ende voir onser auders zielen om gods willen gegeuen gemaict ende gefundert hebben een erfmisse toe sijngen alle weken erffelick ende ewylick des donredages van den heiligen eerwerdijgen sacrament opten hoegen altaer ende alle donredagen dat heiligen sacrament wt toe setten opten hogen altair ende voir eer men dat heilige [enangelud] sijngen sal toe sijngen [ecce pams angelo?? ] ende met wtsette [tatu ergo sacramentu] ende met insetten [quiromi] ende die mysse altoes te sluijten mijt een [responsorud] dat genoemt is [distrubuit Jhesus] mijtten esikel ende collecte Ende naeder mijssen sal die pastoir off synen vicarius mijtten ster inder tijt gaen op ons grafften ende lesen een miseren ende een de profundis mijt een collect nae alder gewoenten Oick off opte donredach [groit heilich dach wee~] soe sall die pastoir off sijnen vicarius die misse verhalen ende lesen die voir off nae soe hem dat belieft meer opte voirs. heilige dach salmen nochtans dat heilige sacrament wt setten ende oick die mysse sluyten mijtten [responsorud] als voirs. steet ende oick off die pastoir off syn vicarius syeck off nyet van staede en weren opten donredach mijsse toe sijngen soe moegen zij die oick verhalen als voirs. is van welcke voirs. mijsse toe sijngen die pastoir off sijnen cureijt aff hebben sal vijff golden hartoch Philips gulden geslagen ende gemundt voir datum dijt brieffs off die weerde dair voir in elcke tijdt der betaelijnge ende den custer enen golden hartoch Philips gulden des jairs tot welcken voirs. sees Philips gulden dis jaers voirs. to heffen ende to boeren wij gegeuen ende gemaict hebben een huijs ende hoffstadt vrij eijgen erff ende guet inde heerlicheyt van IJsendoern dair oistwairt naest gelegen is den kerckhooff zuydtweert Anthonis van Hoemen ende Arien Arntss westwairt die moelen ende noirtwaert die kerck straet mijt eggen mijt eijnden welcke hoffstat no jaerlicx weert is sees golden Philips gulden ende dese voirs. hoffstat sal ende mach gebruyken ende besitten die dese voirs. mijsse sijngt ende sal daer wt reijken den custer enen Philips gulden dis jaers wair voir hy die mijsse sal mede helpen syngen Ende offt saick weer dat dese voirs. hoffsteij tot enijger tydt vargairt worde soe datse geen sees Philips gulden jaerlix gelden en muchten soe bekennen wij voirg. zaickwalden dat dan die pastoir off sijn cappellaen dat gebreck heffen boeren ende peijnden moegen wte eenre hoffstat inde heerlicheyt voirs. dair wij oistwairt naest gelegen zijn, zuydwert den Blancken kuijll westwairt Willem Jacopss den jongen ende noirtwairt die Keyser straet Ende offt saick weer dat dese voirs. mijsse tot enigen tyden alsoe nyet gedaen en worden als voirs. is daer godt voir zij soe sullen dan die kerckmeysteren inder tijt dese voirs. sees Philips gulden dis jairs aenuangen heffen ende boeren ende den rechten armen om gods willen geven een deel aen scoen broit dat ander deel aen laken ende dat derden deel aen schoenen ter tyt toe ende alsoe lange dese voirs. mijsse wederomme aengeuangen ende gedaen wordt Item noch hebben wij gemaict ende geven der kercke tot IJsendoeren tot een ewych testament ende memorie voer ons ende onser vrijende zielen negen oirt guldens hollantz off brabantz paijment wt een hoffstat die Clais van Dijck to plach te hoeren dair oistwart naest gelegen is de Blancke kuijl zuydtwairt die westwert Willem Jacopss voirs. ende noirtwairt wij zaickwalden voirs. ende noch vyff stuiver brabantz wte fabrijken welcke sees Philips gulden ende negen oirt gulden dis jairs alle jaer verschijnen sullen op sunte Peters dach ad Cathedram van welcken negen oirt gulden ende vijff stuiver brabantz voers. die kerckmeijsters inder tijt erffelick ende ewelick sullen doen syngen vigelijen van negen lessen des vrydages quater te per van welcken dijnst sullen die kercke meysters voirs. wtreyken ende betailen der pastoir ende custer myt vicarijen die den voirs. dynst mede doen ende anders nyet elcx anderhalve brabantz stuiver ende opten vierden quater te per op ons jaer getyt sal die pastoir mysse syngen van reqem dair sal hij aff hebben anderhaluen stuiver ende die custer enen stuiver payment voirs. ende dat daer oeuer loept sal die kerck behalden ende dair voir sullen die kerckmeysters setten to barnen voirt heilige sacrament twe was kerssen op dije drie quater te per ende opten vierden off op ons jaergetijt vier was kerssen Ende want wij dit voirs. testament ald~ puerlick om gods willen gegeuen ende gemaict ende then ewygen dagen toe van werden gehalden wyllen hebben soe hebben wy gebeden heren Jan Dueys van Vaern pastoir tot Ysendoern dat hy dijt wylle volgen nae gaen ende consentijen dat ick Johannes Dueys pastoir voirs. om beden will Zegers van Balveren ende Joffer Mechtelt van Riemsdijck voirs. voir mij ende voir mijnen naecomelijngen desen voirs. dijnst erffelick ende ewelick te syngen als voirs. steet wt mynen ende devotien geconsenteert heb ende consentere ende heb des tot enen rechten getuyge der waerheyt mynen segel byden hoeren voir my ende voir mynen naecomelyngen voir aen desen aepenen brieff gehangen Gegeven inden jair ons heren duysent vyffhondert soeven ende twentich des donredachs nae sunte Pontiaen