Stamboom van Hagenbeek

in oirconde ende tughe ver Hazetiaen, vrouwe van Raephorst, als dat die borchgrave Dirc ende ver Justine, haren Hughen des Gouwers dochter, rechte eerste lidt waren, als in maech-schap by desen redenen, als hierna beschreven staet. Want haren Dirc die borchgrave van Leyden een broeder was te Kuucq, die des borchgraven Dircx die leste was, syn oudevader was, ende haren Hughen van Heenvliet, dat hi
deser ver Justinen oudevader was, ende dat die borchgrave Dirc, die broeder was te Kuucq, ende haren Hughe van Heenvliet waren suster kynder ende broeder. Ende van dat dese redenen my condt sijn, so heb ic desen brief besegelt mit mynen segel. Ghegeven in den jaer ons Heeren aslmen schreef M CCC XLIII, op sinte Martyns dach in den winter [11 nov.1343]